Франција планира да ги укине ограничувањата за патувања и да го олесни полицискиот час на национално ниво на 2 мај, според очекувањата дека наскоро ќе почнат да се намалува бројот на дневни случаи на заразени со ковид-19, изјави извор близок до претседателството за француски медиуми.

Претседателот Емануел Макрон, исто така, има намера да остане на целта да им дозволи на рестораните да работат на отворено од средината на мај, истовремено отворајќи ги кината, театрите и музеите со намален капацитет, додаде изворот.

Бизнисите со непрехранбени производи, исто така, ќе ги отворат своите врати кон средината на мај, откако Макрон најави затворање од 3 април за да спречи трет бран на коронавирус инфекции.

Луѓето во моментов мора да останат на 10 километри од своите домови и во сила е полициски час во 19 часот, иако од 2 мај и двете мерки ќе бидат намалени, изјави изворот.

Ресторани, кафулиња и барови се затворени од 30 октомври, предизвикувајќи вознемиреност кај сопствениците и покрај огромната финансиска поддршка од Владата за да се надоместат загубените приходи и да се ограничат отпуштањата.

Макрон денеска ќе одржи состанок со највисоките министри за да ги оцени напорите на Владата за борба против ковид-кризата.