Плејмејкерот на Зенит од Санкт Петербург Томас Ертел не обрнува внимание на бројните критики дека одлучил кариерата да ја продолжи во Русија.

Искусниот кошаркар по Европското првенство потпиша договор со Зенит, а таа одлука го чинеше место во француската репрезентација.

– За оние луѓе кои ме критикуваат за мојата одлука да се преселам во Русија: Баш ми е гајле, знајте го ова. Така да не треба да се извинувате. Само живејте го својот живот. Однапред ви благодарам – изјави поранешниот играч на Барселона и Реал Мадрид.

Ертел е отстранет од репрезентацијата на Франција (европски вицешампион) во чии редови до сега беше еден од клучните играчи.

Во септември федерацијата информираше дека доколку Ертел настапува за Зенит, таа обврска нема да се почитува.