Возачот на Дукати, Франческо Бањаја победи на спринт трката во Барселона, Шпанија, со што остана во борбата за титулата во Мото ГП шампионатот.

Во последниот спринт од сезоната, Бањаја победи пред клупскиот колега Енео Бастианини со заостанување од 0,942 секунди.

Возачот на Примак Хорхе Мартин беше трет со заостанување од 1.270 секунди. Со оглед на тоа дека не успеа да триумфира во спринтот, Италијанецот Бањаја и натаму е во трка за шампионската титула.

Пред утрешната последна трка сезонава, лидер во генералниот пласман е Мартин со 19 бодови повеќе од Бањаја.

Мартин сè уште има се во свои раце. Бањаја малку порано ја освои пол-позицијата за утрешната трка, но му треба и лош резултат од Шпанецот во трката за да дојде до третата последователна титула.

Трката требаше да се одржи во Валенсија, но поради поплавите во тој дел на Шпанија беше преместена во Барселона.