Фото: Инстаграм/Ресторан „Хоризонт“

ФОТО+ВИДЕО | Вирален хит над Котор: Ресторан со поглед што одзема здив

Локал сместен високо над Котор, во Црна Гора, стана вистински хит на социјалните мрежи, благодарение на неговиот неверојатен панорамски поглед кон Которскиот залив. Станува збор за ресторанот „Хоризонт“, кој се наоѓа на патот меѓу Котор и Цетиње, во близина на селото Његуши.

Иако административно припаѓа на општината Цетиње, овој ресторан е најпознат по тоа што од над 900 метри надморска височина нуди спектакуларен поглед кон целиот Бококоторски залив. Не е ни чудо што корисниците на социјалната мрежа Инстаграм се буквално воодушевени и редовно го споделуваат ова место.

„Хоризонт“ работи сезонски – од април до октомври, секој ден од 9:00 до 21:00 часот. Од Котор, до ресторанот се стигнува за околу 30 минути по серпентинастиот пат што води кон Његуши – тесна и предизвикувачка рута, особено во вечерните часови. Од Цетиње, пристапот е нешто полесен, но времето на патување е приближно исто.

Ова место е идеално за романтични залези на сонцето, со чаша вино и традиционално црногорско мезе – сувомеснати производи и локални сирења.

Фото: Инстаграм/Ресторан „Хоризонт“

Иако не се наоѓа директно во Которскиот залив, ресторанот гледа кон него, нудејќи едно од најубавите видици во Црна Гора, доволно за да стане привлечен за сите што сакаат уникатни места за уживање и фотографирање.

Фото: Инстаграм/Ресторан „Хоризонт“

„Тајм аут“ со топ листа на 30 најубави места во светот за 2023: На врвот е град во Црна Гора

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот