Познатата манекенка Белa Хадид повторно го привлече вниманието на јавноста, но не со новата деловна соработка, туку со својот смел моден избор. Иако направи пауза од модните писти за да се посвети на својот бренд парфеми и на јавачката кариера, нејзината последна објава на социјалните мрежи предизвика повеќе коментари за изгледот отколку за производот што го промовираше.

Хадид најави излегување на својот најнов парфем, но обожавателите со поголемо внимание ја следеа фотосесијата во која се појави во златен полупроѕирен топ без градник, комбиниран со црвени карирани панталони со низок струк. Провокативната комбинација ги истакна нејзините облини и затегнатите стомачни мускули, додека изгледот го надополни со едноставен накит и коса собрана во пунџа.

Фановите ѝ упатија бројни комплименти: „Опседната сум со тебе“, „Изгледа како принцеза“, „Најубавиот модел на светот“, „Какво тело!“.

Белa, која едно време беше меѓу најангажираните манекенки во индустријата, во последниот период се повлече од ревиите, насочувајќи се кон јавачките натпревари. Наскоро учествуваше на првенството „Хорс катинг“ во Лос Анџелес, каде што поддршка ѝ даваше нејзиното момче, професионалниот јавач Адан Бануелос. Двојката првпат беше забележана заедно во октомври 2023 година, а оттогаш Белa се пресели во Тексас за да биде со него.

„За првпат не носам лажно лице. Ако не се чувствувам добро, нема да одам никаде. Ќе си дадам време за себе… Сега, кога некој ќе види фотографија од мене и ќе рече дека изгледам среќна – навистина сум среќна. Се чувствувам подобро, моите лоши денови сега се моите стари добри денови“, изјави таа претходно.