ФОТО+ВИДЕО | Се омажи Лајла Грејс: Македонската писателка го изговори судбоносното „да“ во Белгија
![](https://www.slobodenpecat.mk/wp-content/uploads/2023/10/Лајла-Грејс.jpg)
Македонската писателка и магистерка по фармација Марија Јаневска, позната по псевдонимот Лајла Грејс, веќе три години живее и работи во Гент, Белгија.
Таму го запозна својот партнер Али Нодех, кој ја запроси минатата година, а викендов го изговорија и судбоносното „да“ во бајковитата атмосфера на еден замок близу Гент.
![](https://www.slobodenpecat.mk/wp-content/uploads/2023/10/Snapinsta.app_385748374_712078057622159_8109310642684457415_n_1080.jpg)
На прославата присуствувале нивните најблиски роднини и пријатели, кои споделија неколку фотографии на социјалните медиуми.
„Секогаш беше ти“, напиша таа на Инстаграм во описот на објавата за венчавката.
Од фотографиите, објавени на Инстаграм, може да се забележи дека Јаневска била прекрасна невеста, во едноставна и светкава венчаница, а нејзиниот избраник се одлучил за класичен изглед – црн и елегантен костум.
Инаку, Јаневска доживеа голема популарност во Македонија со нејзиниот анонимен блог, на кој пишуваше под псевдонимот Лајла Грејс и објавуваше љубовни приказни, што потоа прерасна во издавање на нејзината прва книга „Белешките на Лајла Грејс“.
Таа е авторка на три книги: „Белешките на Лајла Грејс“ (2013), „Карма“ (2014) и „Асистола“ (2020).
![](https://www.slobodenpecat.mk/wp-content/uploads/2023/10/Snapinsta.app_18581244_164692850928655_8573651636541456384_n_1080.jpg)