ФОТО+ВИДЕО | „Пантон“ ја одбра бојата за 2025 година: Мока Мус – кафеава нијанса која ги буди сетилата
Секоја година, „Пантон“ избира боја за која компанијата верува дека го одразува духот на моментот. За 2024 година, таа боја беше нијанса на праска чиј сеопфатен дух ги збогатува умот, телото и душата, сосема спротивно од нејзината братска зелена, која, без сомнение, се покажа како вистинска боја на годината.
Препорачано
Оваа година, фокусот на „Пантон“ беше на хармонијата и враќањето кон природата.
View this post on Instagram
„Станува збор за враќање во првобитното, разбирање на важноста на малите моменти и живеење во моментот“, објасни Лори Пресман, потпретседател на Институтот за боја Пантон.
„Може да биде уживање, прошетка во природа – целата идеја се заснова на лична удобност и уживање, но не мора да биде исклучиво фокусирана на поединецот. Тоа е исто така нешто што можете да го подарите и да го споделите со другите“.
Глобалниот специјалист за бои објави дека Мока Мус (Mocha Mousse) е „бледо кафеава боја исполнета со сензорна и утешна топлина“, токму затоа е и избрана за боја на годината за 2025.
Оваа боја која има топла кафена нијанса со црвеникави или виолетови поттонови, навистина наликува на истоимениот пенлив десерт.
„Името на бојата секогаш игра голема улога во чувството што се обидуваме да го пренесеме. Ако обрнете внимание, тоа е нота која носи допир на леснотија. Во текот на изминатите години, забележавме промена кон боите кои изгледаат полесни и воздушести“, изјави Лори.
View this post on Instagram
Излегува дека Мока Мус всушност има големо присуство во многу машки и женски колекции за 2025 година. Многу дизајнери, исто така, се чини дека се фокусираа на тоа воздушесто чувство, користејќи свилени сатени, мазна кожа, велур и други текстури со ефективни релјефи.
Извршната директорка на Институтот за бои „Пантон“, ја истакнува разновидноста на оваа нијанса:
„Можеме да ја наречеме земјена боја, но кога се користи во свилени текстури, бојата носи сосема ново чувство. Тоа го нарекуваме сетилна топлина, бидејќи навистина ги загрева нашите сетила. Кога гледаме боја како Мока Мус, можеме да го почувствуваме топлиот, привлечен мирис на чоколадо, речиси можеме да го вкусиме, а освен тоа, нашите очи ни кажуваат дека оваа боја има вродена сензуална топлина“, истакна таа.
Исто така е доста разновидна кога станува збор за совпаѓање со други бои – покрај сината, тиркизна или розова, престанува да биде неутрална и се претвора во јака нијанса.
