На церемонијата, „Тhe Best“  во Париз на која Светската фудбалска организација ФИФА ги прогласи најдобрите за 2022 година, главната награда за фудбалер на годината заврши во рацете на Лионел Меси.

„The Best“ наградата ФИФА ја доделува од 2016 година кога одлучи да се одвои од „Франс Фудбал“ кој ја доделува „Златната топка“. Кристијано Роналдо беше добитник на првите две награди, потоа Лука Модриќ беше најдобар во 2018, Меси наградата првпат ја освои во 2019, а потоа двапати во низа победуваше Роберт Левандовски.

Аргентинецот вечерва се израмни со полскиот голгетер и Португалецот како играчи кои најмногу ја добивале наградата. Изборот и можеше да се очекува откако Меси ја предводеше Аргентина до светската титула на Мундијалот во Катар каде што исто така беше прогласен за најдобар играч.

Во женска конкуренција наградата ја освои Алексија Путељас, фудбалерката на Барселона која вторпат во кариерата е прогласена за најдобра фудбалерка во годината.

СПЕЦИЈАЛНО ПРИЗНАНИЕ ЗА ПЕЛЕ

Почетокот по говорот на претседателот Џани Инфантино помина во знакот на Пеле, човекот кој ќе остане запаметен како „крал на фудбалот“. ФИФА му оддаде почит со специјално признание кое го подигна бразилскиот Роналдо. Легендарната „деветка“ одржа емотивен говор со кој предизвика солзи кај многумина, за потоа на сцената да се појави и последната сопруга на Пеле, Maрсија Аоки.

???

FIFA pays tribute to Brazilian legend Pelé’s sensational life and career at #TheBest Awards. pic.twitter.com/OyrcWVzpol

— beIN SPORTS (@beINSPORTS_EN) February 27, 2023

МЕРИ ЕАРПС – НАЈДОБРА ГОЛМАНКА

По емотивните 20-тина минути и делот посветен на бразилската легенда, беше доделена наградата за најдобра голманка. а таа заврши во рацете на голманката од редовите на Мери Еарс, која го чува голот на Манчестер Јунајтед. Наградата ја освои најмногу поради својот придонес во репрезентацијата на Англија со која го освои Европското првенство.  При доделувањето на оваа награда на сцената се појави и легендарниот Дидие Дрогба.

ЕМИЛИЈАНО МАРТИНЕЗ – НАЈДОБАР ГОЛМАН

Аргентинецот Емилијано Мартинез, Мароканецот Јасин Боно и Белгиецот Тибо Куртоа се бореа за оваа награда, а на крајот таа заврши во рацете на освојувачот на Светското првенство. Емилијано Мартинез.  Го следеа Мартинез мнгоу контроверзии во текот и по завршувањето на Мундијалот, но сепак она што се вреднува се настапите на теренот, па затоа и оваа награда заврши во рацете на голманот на Астон Вила. Maртинез имаше чест на сцената покрај него при добивањето на наградата да биде легендарниот бразилски голман Жулио Цезар.

МАРЧИН ОЛЕКСИ – „ПУШКАШ“

За наградата „Пушкаш“ се бореа капитенот на Марсеј, Димитри Паје, напаѓачот на бразилската репрезентација и Тотенхем, Ришарлисон и полскиот фудбалер со инвалидитет, Марчин Олекси кој го освои ова признание.

Паје го постигна својот гол во четвртфиналето на Конференциската лига против ПАОК. Ришарлисон го постигна најубавиот гол на Мундијалот против Србија со „ножички“, додека Олекси, кој е фудбалер со ампутирана нога, играчот на Варта Познањ во рамките од полската лига постигна прекрасен гол со „ножички“ на натпреварот против Стал Жешов.

? OFFICIEL ! Le Polonais Marcin Oleksy remporte le prix Puskas 2022. ??

? @AmpFutbolPolskapic.twitter.com/VfruqHg5iJ

— Actu Foot (@ActuFoot_) February 27, 2023

САРИНА ВАЈГМАН – НАЈДОБАР ТРЕНЕР ВО ЖЕНСКА КОНКУРЕНЦИЈА

Трите конкурентнки за оваа награда беа  Соња Бомпастор која на женскиот тим на Лион му ја донесе осмата титула во Лигата на шампионите, Пиа Сундхејџ која со Бразил ја освои Копа Америка и победничката Сарина Вајгман која ја предводеше Англија до титулата на Европското првенство. За Вајгман ова беше трето вакво признание во кариерата.

ЛИОНЕЛ СКАЛОНИ – НАЈДОБАР ТРЕНЕР ВО МАШКА КОНКУРЕНЦИЈА

Во конкуренција тука беа Лионел Скалони, Карло Анчелоти од Реал Мадрид и Пеп Гвардиола од Манчестер Сити. Интересно е што никој претходно од овие три големи тренерски имиња не ја освоил оваа награда. Заслужено и очекувано за првпат во кариерата најдобар светски тренер во годината според ФИФА стана Аргентинецот, Скалони. Секако главна причина е освоената светска титула на Мундијалот во Катар.

ЛУКА ЛОЧОШВИЛИ – НАГРАДА ЗА ФЕР ПЛЕЈ

Наградата за фер плеј на годината апсолутно заслужено заврши во рацете на Грузиецот Лука Лочовили кој е актуелен играч на Кремонезе. Наградата ја освои како признание за брзата реакција со која го спаси живот на противнички фудбалер.

Luka Lochoshvili foi reconhecido com o prémio Fair-Play da FIFA por ter sido rápido a atuar para salvar a vida a um adversário ?pic.twitter.com/37sFYugvQv

— B24 (@B24PT) February 27, 2023

НАВИВАЧИ НА ГОДИНАТА – АРГЕНТИНА

Доделена беше и награда за навивачи на годината, а тука во конкуренција беа, навивачите на Саудиска Арабија, најмногу за славењето по победата против Аргентина на почетокот на Мундијалот, јапонските навивачи кои уште еднаш го воодушевија светот со својата култура и аргентинските кои со денови ја славеа светската титула во Буенос Аирес.

НАЈДОБАР ТИМ ВО ЖЕНСКА КОНКУРЕНЦИЈА

?️ This is the 2022 FIFA FIFPRO Women’s #World11.

⭐️ Where legends are made.@FIFAWWC | #TheBest pic.twitter.com/M26X6sgabn

— FIFPRO (@FIFPRO) February 27, 2023

НАЈДОБАР ТИМ ВО МАШКА КОНКУРЕНЦИЈА

?️ This is the 2022 FIFA FIFPRO Men’s #World11.

⭐️ Where legends are made.@FIFAWorldCup | #TheBest pic.twitter.com/EHfkMIfE8R

— FIFPRO (@FIFPRO) February 27, 2023