Италијанската пејачка Ана Окса отсекогаш го привлекувала вниманието на јавноста, но не само поради нејзиниот извонреден талент, туку и поради нејзиниот камелеонски стил.

Многумина со голема радост го дочекаа нејзиното големо враќање на реномираниот музички фестивал „Санремо“, која после цели 12 години повторно настапи на големата сцена со песната „Sali (Canto dell’anima)“.

Но, се чини дека таа не ги воодушеви членовите на жири-комисијата и заврши на последното место во првата фестивалска вечер.

„Компанијата Оксарте и Ана Окса ѝ се заблагодаруваат на публиката. Вашите емоции се силни. Убаво е да се слушне дека ништо друго не ни очекувавте од медиумите. Очигледно е дека тие не ве претставуваат вас. Се гледаме во четврток“, им порачала таа на своите обожаватели.

Потоа, таа ѝ се обратила и на жири-комисијата, која, како што тврди, не го разбрала текстот на нејзината песната. Окса посочила дека во Италија има „функционална неписменост“.

„Компанијата Оксарте се солидаризира со оние кои се бореле да го разберат значењето на песната. На некои веројатно им е полесно да разберат текст чија структура не е толку блиска до италијанскиот јазик“, изјавила таа.

Повеќе вести за „Санремо“:

Скандал на „Санремо“: Пејач ја уништи сценографијата со илјадници рози поради технички проблем

Италија во шок: Светски познатата инфлуенсерка на „Санремо“ се појави „гола“ на сцената

Четири неверојатни фустани со кои Кјара Ферањи испрати моќни пораки до сите жени