Српскиот пејач Никола Роквиќ пред две недели пеш тргна кон Грција до манастирот Нектариј Егински, со цел да собере средства за помош на детската онкологија во Србија.

Никола секојдневно ги известува своите следбеници за своето искуство и ситуации со кои се соочува за време на патот. Тој го започна овој подвиг за време на Великиот пост, а сега на 16. ден од неговото пешачење објави видеа во кои покажа дека минува низ Струмица и дека утре ќе пристигне во Грција.

Пејачот се пофали дека бил одлично пречекан од струмичани кои по патот кон Грција му подариле ајвар и икона од Пресвета Богородица. Исто така, Никола ја пренесе радосната вест дека веќе се собрани 16 милиони динари.

„Во Македонија отсекогаш се јадело добро“ – вели на шега пејачот кој меѓу останатите работи доби и сендвич за по пат.

Инаку, денес е посебен ден за Никола затоа што слави годишнина од бракот со сопругата Бојана со која ја формираше фондацијата за хуманитарни ели.

Тој на својот инстаграм-профил објави фотографии од нивната венчавка.

„На денешен ден, пред 8 години под крилјата на Белиот ангел во нашата Милешева се заколнав на вечност на мојот најдобар пријател и на мојата подобра половина, која ми ги роди најубавите љубови и радости… Те сакам!“, напиша пејачот.

ФОТО+ВИДЕО | Никола Роквиќ се огласи дека има потешкотии на 15. ден од подвигот до Грција: Не знам дали е шок за телото, но…