Американската актерка Дакота Џонсон гостуваше во популарното вечерно шоу на водителот Џими Фелон, но наместо сè да помине глатко, нејзиното појавување се претвори во моден гаф што се случуваше во живо пред милиони гледачи.

Џонсон се појави во кратко црно фустанче со длабоко деколте, кој на прв поглед изгледаше гламурозно. Но, веднаш штом седна на каучот спроти водителот, беше очигледно дека не се чувствува пријатно во избраната облека. Фелон веднаш ја забележа нејзината нелагодност и ја праша: „Дали си добро?“, на што актерката низ насмевка одговори: „Ова е погрешен избор на облека“.

Следуваа дваесетина секунди неспретна, но и комична интеракција, при што двајцата се обидуваа да ја игнорираат ситуацијата, но публиката коментираше дека напнатоста се чувствувала дури и преку екран.

Џонсон постојано се местеше и се обидуваше да го прикрие деколтето, а Фелон се трудеше да ја одржи атмосферата. „Само немој да се движиш,“ ѝ рече. Таа се пошегува: „Очите ми се тука горе“, а тој погледна кон таванот и изјави: „Не знам каде да гледам… Не можам… Не знам што да правам“.

Интервјуто продолжи, но нејзината непријатност не исчезна. Во еден момент повторно го прекина разговорот за да провери дали „сè е на место“ и се покри со рацете. „Кажи ми ако има проблем,“ му рече на водителот, шегувајќи се дека ѝ треба ќебе. Фелон ѝ понуди марамчиња од масата и се пошегува: „Совршено, никој нема ни да забележи разлика“.