Кралот Чарлс беше хоспитализиран откако претрпе привремени, но непријатни и тешки несакани ефекти од хемотерапијата што се користи за лекување на рак, пишуваат странските медиуми.

Веста за кратката хоспитализација на кралот ја објави Бакингемската палата, а кралот веќе се вратил во својата резиденција Кларенс Хаус. Но, поради целата ситуација тој го откажа патувањето во Бирмингем и средбите со тројца амбасадори.

„Бевме ужасни кога ја слушнавме веста вчера. Денеска отидовме во палатата да се фотографираме, но не ни сонувавме дека ќе го видиме кралот. Вистинско олеснување е да го видиме како се смее и мавта“, изјавиле обожавателите за странските медиуми.

Фотографите го фотографирале додека се враќал од болница. Кралот им мавташе на минувачите од својот автомобил, гест што им се допадна на многу обожаватели.

Да потсетиме, кралот Чарлс во февруари минатата година објави дека се бори со ракот, но до денес не го сподели со јавноста видот на оваа тешка болест. Еден месец по него и Кејт Мидлтон со јавноста ја сподели својата тешка дијагноза. Како и кралот, таа не сакаше да открие со каков вид на рак се борела. Но, таа откри и дека завршила со хемотерапијата и во послендите јавни појавувања изгледа среќно и здраво.

ФОТО | Кралот Чарлс е примен во болница поради несаканите ефекти од лекувањето на ракот