Кети Јанг го држи Гинисовиот рекорд за најтенка половина повеќе од 20 години, почнувајќи од нејзина 62-годишна возраст.

Кети Јанг има 86 години и ја има најтенката половина на светот благодарение на тоа што носи корсет 23 часа на ден. Таа влезе во Гинисовата книга на рекорди.

Иако е исклучително вообичаен моден додаток од минатото, корсетите ретко се гледаат во денешно време, поради екстремната непријатност што можат да ја предизвикаат.

Кети Јанг е родена во 1937 година. Се омажила во 1959 година и добила три деца пред да одлучи постојано да носи корсет.

Корсетот го соблекува само кога се капе

Кети Јанг од САД повеќе од шест децении го соблекува корсетот само кога се капе.

Таа го држи Гинисовиот рекорд за најтенка половина повеќе од 20 години, почнувајќи од 62-годишна возраст. Корсет за првпат пробала на 18 години, а во триесеттите години одлучила постојано да го носи.

Љубовта кон викторијанската мода

Нејзината љубов кон викторијанската мода ја поттикна нејзината желба да носи корсети.

Поради нејзината уникатна тенка половина, Кети мора да носи облека направена по мерка. Објаснувајќи ја својата прва средба со корсетот, таа рекла:

– Ако сакате да изгледате автентично во викторијански фустан, мора да носите соодветна долна облека.

Таа нагласила и дека никогаш немала намера да стане сопственичка на најмалата половина на светот.

– Мојата цел никогаш не беше да бидам послаба. Тоа едноставно се случи со текот на времето.

Половина од 53 сантиметри

Кети првично имала половина од 66 сантиметри. Со текот на времето, постепено обемот се намалил на 53 сантиметри.

Таа признала дека спие во корсетот поради практичност, за да не заборави случајно да го облече наутро.

Интересно е и тоа што Кети не следи одредена диета или рутина за да ја одржи витката линија. Таа само избегнува храна која предизвикува надуеност.

Иако корсетот не влијаел на нејзиното здравје, Кети признала дека тоа сепак влијаело на тоа внатрешните органи малку да се поместат.

Носењето корсет може да биде опасно

Партнерот на Кети, ортопедски хирург, внимателно ја следел низ годините, за да се увери дека нејзините навики нема да  му наштетат на нејзиното тело.

–  Тој ми велеше дека тоа што му го правам на моето тело не е здраво – нагласила Кети.

Портпаролот на Гинисовата книга на рекорди рекол за Кети:

– Таа е без сомнение една од нашите најлегендарни рекордерки досега.

Лекарите, инаку, предупредија за опасностите од користењето корсети.

Експертите од „Ми.Мед“ (MiMed.com) изјавија:

– Лекарите советуваат да бидете внимателни кога се подложувате на намалување на половината и да не дозволите несакан притисок врз средниот дел од телото, бидејќи го ограничува протокот на крв во вашите органи што може да биде многу опасно – пренесува британски „Сан“.