Голем густ црн чад се надвиснува над Општина Боговиење откако доцна попладнево избувна пожар во фабриката за производство и пакување на млеко и млечни производи во село Камењане. Се работи за млекарницата „Хит 73“ оддалечена на околу 10 километри од центарот на Тетово.

Некои од видеата и фотографиите се снимани и фотографирани на воздушна линија од околу 8 километри од Тетово и ја покажуваат силината на пожарот кој според првичните информации зафатил голем дел од погоните на овој производствен погон.

На терен засега гасат екипи од ТППЕ Тетово.

Подолу се фотографиите и видеата од големиот пожар.