Некои животни можат да им одржат лекција на луѓето за пријателство и прифаќање на различностите. Најдобар пример за тоа се гепардот Кумбали и лабрадорот Кaго – најпознатите жители на Зоолошката градина во Ричмонд, американската држава Вирџинија.

Од нивното раѓање во 2015 година тие живеат во склад и пријателство. Чуварите одлучиле да ги запознаат бидејќи Кумбали бил исклучително повлечен во друштво со другите животни. Со својата разиграност и ведрина, лабрадорот брзо му помогнал на срамежливиот гепард да се отвори и од тогаш двајцата се неразделни.

Денес Кумбали и Кaго заедно ги слават родендените, се играат и дури си помагаат и во хигиената – нешто што го воодушевува милионите посетители на зоолошката.

„Како да не гледаат никакви разлики меѓу видовите, големината или бојата – постои само прифаќање“, изјавил еден од чуварите.

Токму поради оваа поука, нивното пријателство стана симбол на љубов и разбирање, а посетителите од целиот свет доаѓаат во Ричмонд да ги видат овие невообичаени, но прекрасни пријатели.