Ѕвездата на хит серијата „Емили во Париз“ (Emily in Paris), актерката Ешли Парк завршила во болница откако доживеала септичен шок додека била на одмор на Малдиви.

Тешките моменти од болницата во Дубаи ги сподели на Инстаграм.

„Додека бев на одмор во декември, она што започна како воспаление на крајниците се претвори во критичен септички шок, кој зафати и неколку органи. Благодарна сум што здравјето ми се подобри и покрај тоа што ни го кажаа на почетокот“, напишала актерката.

На патувањето била со своето момче Пол Форман, кој на фотографијата од болницата ја бакнува во челото.

„Најмногу сум му благодарна на Пол, кој безусловно беше покрај мене низ сето ова. Ги смири моите стравови и ме држеше низ сите итни служби, три различни болнички одделенија, една недела на одделот за интензивна нега, застрашувачки соби за итни случаи, бројни анализи, тестови и инјекции, неподнослива болка и толку многу збунетост, сето тоа додека бевме сами на другата страна на светот, далеку од сите оние што ги знаеме“, напиша емотивната актерка.

Инаку, Ешли Парк во тинејџерската возраст ја победила леукемијата.

– Откако ракот физички го напушти моето тело, мојата мисија беше да не дозволам да влијае на мојот живот. Не сакав тоа да ме дефинира. Луѓето беа многу загрижени за мене, а јас станав личност која во главата ја имаше само мислата: Добро сум. Не грижете се за мене. Ќе правам она што сакам – рекла своевремено Ешли.

На крајот од својата објава, актерката ги увериla обожавателите дека е подобра, пишувајќи: „Заздравувам и ветувам дека ќе бидам добро“.

Многу познати личности коментираа на објавата на Инстаграм за поддршка на Парк, вклучувајќи ја и нејзината колешка од „Емили во Париз“, Лили Колинс.

„Едвај можам да ги погледнам овие без да плачам“, напиша Колинс. „Те сакам сестро и засекогаш сум благодарна што си на другата страна од ова и на @peforman за твоето неверојатно огромно срце и што си таму на секој чекор од патот“.

Ѕвездата на „Емили во Париз“ проговори за борбата со леукемија