Српскиот пејач Дарко Лазиќ и неговата избраничка Катарина го изговорија судбоносното „да“ во црквата „Св. Архангели Михаил и Гаврил“ во селото Брестач.

По црковната венчавка, пејачот дал кратка изјава за „Блиц“ и открил дека едвај ги сокрил чувствата во црквата.

„Се трудам да ги задржам солзите, но некои работи не можеш да ги сокриеш. Јас бев најемотивен. Петар Грашо ќе ни ја испее песната за првиот танц. Треба да направиме само уште еден обичај, чекаме да ни стигне клучот. Тоа ни е важно да го испочитуваме. Што да правиме, ми недостига татко ми, но животот оди понатаму. Сестра ѝ на Кача, Тијана, нѐ спои. Заедно пеевме долги години. Таа ми рече: ‘Немој да си ја пипнал сестра ми’. Денеска е свадбата, а утре ќе имаме ручек во домашна атмосфера со роднините и пријателите“, изјави Лазиќ за „Блиц“.

Како што пренесоа српските медиуми, свадбата на Лазиќ е традиционална и пејачот ги испочитувал сите свадбени обичаи во духот на српската традиција.

По црковната венчавка, свадбената прослава продолжила во еден ресторан во Печинци, каде се поканети повеќе од 500 гости. Како што пишува „Блиц“, декорацијата во самата сала се состои од богати аранжмани на бели рози, а на масите доминира и златната боја.

Како потсетување, ова е втор брак за Дарко Лазиќ. Претходно, тој четири години беше во брак со Ана Севиќ, со која ја има и 9-годишната ќерка Лорена.

„Бев клинички мртов, гледав бели завеси и непознати луѓе“: Дарко Лазиќ за 23-те дена во кома