Американската актерка Дакота Џонсон (34) се најде на страниците на мартовскиот број на женското онлајн списание „Бастл“.

Во разговорот со главната уредничка Шарлот Овен, актерката се осврна на нејзиниот однос со партнерот Крис Мартин, пејачот на музичката група „Колдплеј“. Таа раскажа дека многу ги сака неговите деца, кои тој ги доби за време на бракот со актерката Гвинет Палтроу. Исто така, Џонсон откри и дека размислува да се изреализира како мајка „ако ѝ е судено“.

„Ги сакам тие деца како мојот живот да зависи од тоа. Со сето мое срце“, рече Џонсон.

„Пораснав во големо семејство и едноставно верувам во изреката: ‘Крвта не е вода’“, рече таа и додаде дека сака да има свои деца.

„Сакам да искусам сè што ќе ми понуди животот. Сигурна сум дека имањето деца е лудо, магично, диво искуство. Ако ми се случи мене, ќе го прифатам“, вели таа.

Инаку, нејзини родители се познатите актери Мелани Грифит и Дон Џонсон. По разделбата, Грифит се омажи за Антонио Бандерас во 1996 година, а Џонсон се ожени за Кери Флегер во 1999 година.

Да потсетиме, Дакота Џонсон и фронтменот на „Колдплеј“ се во љубовна врска од 2017 година. Актерката вели дека обожава даги  гледа неговите настапи во живо.

„Обожавам да го гледам. Можам да го гледам секој ден. Не знам како да го објаснам тоа. Ја гледам мојата омилена личност како ја прави својата омилена работа“, објаснила таа.