Српските спортисти годинава се вратија дома со пет олимписки медали – три златни, еден сребрен и еден брозен медал.

Зорана Аруовиќ и Дамир Микец станаа прваци во стрелаштво, Новак Ѓоковиќ го освои одличјето кое му недостасуваше во тениската кариера, односно златниот медал на Олимписките игри, а со овој медал се закити и машката ватерполо репрезентација на Србија.

Српската репрезентативка со таеквондо, Александра Перишиќ, го освои сребрениот медал на 22-годишна возраст, а кошаркарската репрезентација на оваа држава се најде на третото место и го освои одличниот бронзен медал.

Вчера (12 август) српските олимпијци беа пречекани во претседателската палата во Белград, каде што беше организиран прием од страна на претседателот Александар Вучиќ.

Потоа спортистите се упатија кон Стариот дворец, кој е еден од најпрепознатливите обележја на Белград, и оттаму ја поздравија 70-илјадната публика која дојде да им честита на големиот успех.

Прославата продолжи во еден познат белградски ресторан, каде на олимпијците им пееја неколку познати музички имиња –  Милица Павловиќ, Тања Савиќ, Жељко Шашиќ, Милица Тодоровиќ и Никола Роквиќ.