Фото: Инстаграм/Чарна Невзати

ФОТО+ВИДЕО | Чарна Невзати ќе ја претставува Македонија на Мис на светот 2025 во Индија

По повеќегодишна пауза, Македонија повторно ќе има своја претставничка на изборот за Мис на светот. Престижната манифестација, која годинава се одржува по 72. пат, ќе се случува од 7 до 31 мај во Телангана, Индија.

Честа да ја претставува нашата земја ѝ припадна на 20-годишната Чарна Невзати, студентка на Правниот факултет, која својата радост и возбуденост ја сподели со јавноста преку социјалните мрежи.

„Чест ми е што ќе ја претставувам мојата земја на изборот на Мис на светот 2025 година во Телангана, Индија од 7 до 31 мај 2025 година – Убавина со цел. Вистински ја ценам оваа можност што ми ја даде организацијата Мис Северна Македонија да ја претставам прекрасната култура и наследство на Северна Македонија на глобалната сцена“, напиша таа.

Фото: Инстаграм/Чарна Невзати

Исто така, таа сподели неколку фотографии од подготовките за натпреварот, каде веќе доби голема поддршка од своите следбеници.

Изборот за Мис на светот е еден од највлијателните и најгледаните меѓународни натпревари за убавина, кој покрај изгледот, нагласува и хуманост, интелигенција и личен ангажман.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот