Американската тенисерка Серена Вилијамс и нејзиниот сопруг Алексис Оханијан наскоро ќе станат родители по вторпат.

Следејќи ги трендовите, познатата двојка организираше забава на која го открија полот на нивното бебе, а видеото од овој посебен момент за нив го споделија на платформата Јутјуб.

Како што може да се види на видеото, Вилијамс и Оханијан се окружени со своите најблиски и нетрпеливо гледаат кон небото, каде летаат дронови. По некое време, дроновите го формираат зборот „girl“ („девојче“), а среќните родители се радуваат за новиот женски член на нивното семејство.

Како потсетување, тенисерката Серена Вилијамс и основачот на „Редит“, Алексис Оханијан ја започнаа љубовната врска во 2015 година. Оханијан ја запроси Вилијамс една година подоцна, а во ноември 2017 година го кажаа судбоносното „да“. Двојката ја доби ќерката Алексис Олимпија на 1 септември 2017 година.