Актерката Ања Тејлор Џој (27) конечно јавно го потврди бракот со Малколм Мекреј (29) и откри дека се венчале во тајност пред две години.

Таа ја сподели оваа вест на Инстаграм, каде му посака „среќна втора годишнина од бракот“ на сопругот и се потсети на нивната венчавка.

„Пред две години, на 1 април, тајно се омажив за мојот најдобар пријател во Њу Орлеанс. Магијата на тој ден е вткаена во секоја клетка од моето битие, засекогаш“, напиша таа во описот на објавата и сподели неколку аналогни фотографии од свадбата.

Наведените кадри ја покажуваат актерката во прекрасен фустан на „Диор“, со извезени птици, и неколку фотографии од актерката со нејзината позната пријателка Кара Делевињ.

Она што навистина се издвојува на свадбените фотографии се тортите кои изгледаат како човечко срце.

Инаку, Тејлор Џој ретко зборуваше за нејзината врска со Малком откако почнаа да се забавуваат.

Интередно е дека тие успеаја да одржат здрава врска и покрај тоа што живееја на спротивните страни на Атлантикот – актерката претежно живее во Лондон, додека Малком, кој исто така глуми и свири во музичка група, живее во САД.

Зборувајќи за нивната врска со британскиот „Вог“ во март 2022 година, Тејлор Џој откри дека му кажала на партнерот дека тоа е нејзино „хоби“.

„Конечно најдов некој кој со задоволство ќе седи во тишина со мене и ќе чита. Всушност, ние сме 7 и 80 години во исто време и тоа многу добро функционира“, објасни таа.

Зборувајќи за врската на далечина, таа истакна дека е тешко, но истакна и дека е и одлично, бидејќи така „го ценат времето што го поминуваат заедно“.

„Секојдневните активности со него се полни со радост. Сакам да одам со него на бензинска пумпа и да точам гориво“, истакнала младата актерка.