Амбасадорот Дејвид Гир со пилотите/Фото: ЦУК

ФОТО+ВИДЕО: Амбасадорот Гир на писта ги посети пилотите кои учествуваат во гаснење на пожарите

Амбасадорот на ЕУ во РСМ Дејвид Гир учествуваше на редовниот утрински брифинг на националните и странските воздухопловни тимови и директно на писта од воениот дел од аеродромот се запозна со противпожарните активности.

Сите домашни и странски сили, и по земја и од воздух, согласно оптималните услови на техниката и ситуацијата на терен, храбро и одлучно се борат да ги угаснат пожарите што земаа замав во нашата држава, соопшти ЦУК.

Амбасадорот Дејвид Гир со пилотите во штабот /Фото: ЦУК
Амбасадорот Дејвид Гир и директорот Ангелов со пилотите/Фото: ЦУК

Амбасадорот Гир и директорот на ЦУК Ангелов од посадите на хеликоптерите и авионите пристигнати преку Механизмот на ЕУ за цивилна заштита беа запознаени со перфомансите и учинокот и имаа можност да ги видат леталата пред да започнат со нивните цели предвидени за денес.

Амбасадорот Дејвид Гир со пилотите/Фото: ЦУК

Директорот Ангелов му се заблагодари на амбасадорот Гир за поддршката од ЕУ Механизмот за цивилна заштита како и за неговото лично присуство и поддршка на здружените напори на националните и меѓународните сили за одбрана од разбеснетата огнена стихија.

Потоа Ангелов ги посети пилотите на авионите на ДЗС.

 

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот