Македонската фудбалска репрезентација се собра во Скопје, каде селекторот Благоја Милевски и неговите избраници ги стартуваа мини-подготовките во пресрет на двете решавачки средби од октомврискиот квалификациски прозорец за Светското првенство.

Пред нашата селекција се два исклучително важни натпревари – првиот, на гостински терен против главниот фаворит во групата, Белгија, и вториот, дома против Казахстан.

Средбата со Белгија ќе се одигра во петок, во Гент, додека натпреварот со Казахстан е закажан за понеделник, во Скопје. Македонија моментално е лидер во групата со 11 освоени бодови, еден повеќе од Белгија и Велс – што ја прави секоја следна точка од исклучително значење.

Преземено од: Спорт.ком.мк