Пред грузискиот парламент во главниот град Тбилиси, и синоќа дојде до судири меѓу полицијата и проевропските демонстранти, кои веќе трета вечер по ред протестираа против одлуката за одложување на расправата за пристапување на земјата кон Европската Унија.

Пред зградата на Парламентот избувна и кракотраен пожар. Се претпоставува дека е предизвикан од петарда, фрлена од демонстрантите.

???The Parliament building in Tbilisi is on fire after clashes between protesters and police.
Despite recent raids, more people continue to join the protests.#Tbilisi #Georgia #GeorgiaProtests #TbilisiProtests https://t.co/REUbEa8mwF pic.twitter.com/X8DkvjZBTq

— GlobalSpotlight (@GlobalSpotlite) November 30, 2024

Последните протести беа предизвикани од одлуката на владата, обвинета за проруска и авторитарна пристрасност, да ги одложи разговорите за пристапувањето на оваа кавкаска земја во Европската унија до 2028 година.

Стотици функционери, вклучително и оние од министерствата за надворешни работи, одбрана и образование, како и судии, дадоа заеднички изјави во знак на протест.

Околу 160 грузиски дипломати ја критикуваа одлуката, велејќи дека таа е неуставна, имајќи предвид дека влезот во ЕУ е дефиниран како цел во Уставот на земјата и дека тоа доведе до „меѓународна изолација“.