Хари Стајлс одлучил да ги искористи преостанатите денови од летото, па отишол на пливање во езерото во Хемпстед, Велика Британија.

Како што пишуваат британските медиуми, деновиве во нивната земја е многу топло, со температури повисоки од 30 степени Целзиусови. Совршена прилика за Хари да се изрелаксира и да се искапе, откако успешно ја заврши својата турнеја „Love On Tour“. 

Хари овој пат бил „фатен“ сам, без канадската актерка Тејлор Расел, за која во последните недели се шпекулира дека му е девојка.

Фотографите со актерката ги снимиле на состанок во Лондон кога Хари и Тејлор заедно заминале од ноќен клуб.

“Тие често се држеа за раце. Хари не ја остави Тејлор ниту една секунда. Ја запозна со Џејмс Корден и често ѝ шепотеше и ја насмеа”, пишуваше за нив „Пејџ сикс“ (Page Six). 

Двојката ги поттикна гласините за врска уште во јули, кога Тејлор дојде на концертот на Хари во Виена.