Познатата актерка Зендаја се погрижи сите погледи да бидат вперени во неа кога се појави во смел златен фустан на 39-тата церемонија за воведување во Куќата на славните на Рокенролот. Младата актерка ѝ оддаде почит на 78-годишната музичка дива Шер, а во исто време изгледаше, во најмала рака, сензационално.

Тесниот проѕирен фустан се состоеше од минијатурен горен дел кој ризично ги покриваше нејзините гради и долг проѕирен долен дел што ѝ стоеше ниско на колковите, а исто така изгледаше како здолниште. Во исто време, нејзиниот стомак беше откриен, а изгледа дека убавицата не носела ниту долна облека.

Станува збор за фустан на американскиот дизајнер Боб Меки од колекцијата од 2001 година.

Престижниот моден магазин „Вог“ смета дека актерката се надминала себеси со ова модно издание, а благодарение на соработката со стилистот Ло Роуч, таа стана еден вид модна икона.