Снимањето на ТВ серијата „Хари Потер“ на Ејч-би-о , која го претставува долгоочекуваното враќање во волшебничкиот свет на Џ.К. Роулинг, официјално започна, а првата фотографија од снимањето е веќе објавена на социјалните мрежи.

Продукцијата започна во студиото на „Ворнер брос“ во Велика Британија, речиси 14 години откако пристигна последното продолжение од филмската франшиза „Хари Потер“.

Од продукцијата исто така, го открија првиот поглед на Доминик Меклафлин како Хари Потер, насмеан во препознатливиот костум на ликот со тркалезни очила и училишна униформа.

На Меклафлин му се придружуваат Арабела Стентон како Хермиона Гренџер и Аластер Стаут како Рон Визли. Младото трио беше избрано од повеќе од 30.000 актери кои аплицираа на аудиција минатата есен.

Новата екипа ги вклучува и Рори Вилмот како Невил Лонгботом, Амос Китсон како Дадли Дарсли, Луиз Брили како госпоѓа Роланда Хуч и Антон Лесер како Гарик Оливандер.

Исто така, потврдено е дека серијата ќе има премиера во 2027 година на Ејч-би-о.

Новата верзија на омилената франшиза ќе го следи младиот Потер додека открива дека е волшебник, го напушта своето семејство и се упатува кон училиштето Хогартс.

Џон Литгоу ќе го глуми Дамблдор во серијата за Хари Потер: „Улогата ќе го дефинира последното поглавје од мојот живот“