Правила во светот на модата за Скандинавките апсолутно не постојат, а кога ќе погледнеме фотографии од нивните недели на модата, девојките кои доаѓаат на ревиите секогаш се облечени така што се прашуваме „како се сетила ова да го искомбинира?“.

Во нивните летни комбинации најмногу доминираат популарни парчиња како што се балетанките „Мери Џејн“ (Mary Jane“), блузи со машнички и долги пижама панталони, но комбинацијата на парчиња се разликува од она на што сме навикнати кај нас. Едноставно она што навидум е неспоиво, тие го комбинираат со леснотија на одличен уникатен начин.

Еве како ова лето да се облечете како Скандинавка:

Бели ленени панталони и апостолки во боја

Белиот лен е особено популарен ова лето, а иако црните апостолки се популарни во дневните комбинации, Скандинавките и во овој тренд мораа да додадат малку уникатност и барем да ја променат бојата на своите обувки.

Капри панталони и високи потпетици

Иако капри панталоните би ги носеле со патики или каубојски чизми, овие девојки одлучиле да ги направат малку поженствени, комбинирајќи ги со балетанки или со обувки со високи потпетици.

Голема сламена торба од рафија

Колку е поголема сламената чанта, толку подобро. Девојките ги носат ХХЛ чантите ни повеќе ни помалку туку на пижама комплети. Удобноста на прво место, зарем не?

Блуза со машнички и пуфкасти ракави

Да не постоеше брендот „Џани“ (Ganni), немаше да го има ниту „лудилото“ по блузите со пуф ракави и машнички. Иако блузата ја ископирале бројни брендови, Скандинавките ја носат на најоригинален начин – со панталони во што повеќе забавни дезени.

Апостолки сандали

Апостолките на високи потпетици долги години беа омразено парче, но на тоа дојде крајот, бидејќи сега ги носат сите Скандинавки.