Синот на манекенката Катарина Ивановска (35), Вања, вчера (30 мај) го прослави својот седми роденден.

Во друштво на сестричката Кира и другарчињата, славеникот ја дувна свеќичката со број 7 на големата роденденска торта, направена со мотиви од акционата видеоигра „Брол старс“.

Во останатиот дел од времето, момчињата играле со фудбал, а четиригодишната Кира позирала со змија. Слободно може да се заклучи дека девојчето е целосна копија на мајка ѝ!

Да потсетиме, Катарина Ивановска беше во повеќегодишна врска со нејзиниот поранешен партнер Цобе, со кого ги доби синот Вања и ќерката Кира.

По нивната разделба, Ивановска беше во љубовен однос со кошаркарот Перо Антиќ, а сега е заедно со Стефан Ханџиски, директорот на „АСУРА груп“.