Првиот тематски парк „Леголенд“ во Кина беше отворен во југозападниот округ на Шангај. Ова е 11-ти ваков парк во светот. Локалните власти очекуваат забавниот комплекс да привлече околу 2,4 милиони посетители годишно.

Шангајскиот „Леголенд“, кој се простира на 318.000 квадратни метри, содржи осум тематски области, 75 атракции и хотел со 250 соби.

Посетителите можат да видат илјадници модели на „лего“ направени од над 85 милиони „лего“ коцки.

Централниот дел од комплексот е „Миниленд“, павилјон со минијатурни модели на кинески знаменитости, вклучувајќи го крајбрежјето на Шангај, финансиски центар со облакодери, Забранетиот град во Пекинг, Кинескиот ѕид и други. Исто така, има и тура со брод низ историскиот кинески воден град изграден со „лего“ коцки.

Во зависност од сезоната, билетите за деца чинат помеѓу 31 и 66 долари, а за возрасни помеѓу 44 и 83 долари.