ФОТО | Влезе во Гинисовата книга на рекорди бидејќи нејзините нозе беа долги 132 см: Светлана застана до најмалиот човек на светот и создаде историски момент
Гинисовата рекордерка Светлана Панкратова од Русија, стана светски позната на почетокот на 2000-тите кога Гинисовата книга на рекорди ја прогласи за жена со најдолги нозе во светот, поточно неверојатни 132 см, пишува „Нова.рс“.
Препорачано
Уште како тинејџерка, Светлана била свесна дека има долги нозе бидејќи ѝ било невозможно да најде соодветна должина на панталоните. Рекордот на Светлана подоцна го собори нејзината сонародничка Екатарина, која ја победи за 2 см, односно должината на ногата на Екатарина е дури 134 см. Моментално најдолгите женски нозе припаѓаат на Мејси Курин од САД и се со големина 135 см.
Светлана се најде на насловните страници кога влезе во Гинисовата книга на рекорди како жена со најдолги нозе на светот. Секако, штом ѝ се толку долги нозете, мора и стапалата да ѝ се долги, па Светлана мора да носи чевел број 46.
„Никогаш не обрнував посебно внимание на моите нозе, знаев дека се долги, но тоа е се“, признала Светлана.
Светлана е помошник тренер во американска гимназија, а пред тоа играла кошарка за Португалија, Израел и Шпанија. Таа престанала да се занимава со професионална кошарка, а се повлекла од спортот во 2000 година.
#ThrowbackThursday – Since 2003, Svetlana Pankratova has held the record for longest legs http://t.co/gNGX37tvUQ #tbt pic.twitter.com/5xuvTdFEO9
— Guinness World Records (@GWR) May 8, 2014
Долгоногата Русинка е родена во 1971 година во Волгоград и била највисока меѓу своите врсници како девојче. Тогаш децата ја задевале поради долгите нозе, но денес таа е горда на своето тело. Дури кога била тинејџерка сфатила дека има многу долги нозе бидејќи едвај можела да најде панталони кои и прилегаат.
Во 2008 година, Светлана се појави во Лондон на плоштадот Трафалгар со најнискиот човек на светот, Кинезот Хе Пингпинг, за да го промовира новото издание на Гинисовата книга на рекорди. Тој за жал почина во 2010 година, а беше висок само 74 см. Фотографиите направени со Светлана, висока 195 сантиметри, беа атракција во тоа време.
Светлана долго време живееше во Шпанија додека не се омажи и се пресели во Вирџинија, а нејзините долги нозе сè уште се нејзин заштитен знак.
