Карлос Алкараз и Новак Ѓоковиќ понудија фантастично финале во кое видовме одлични поени и голема борба, каква што доликува на Вимблдон, а на крајот по епска битка која траеше четири часа и 46 минути славеше 20-годишниот Шпанец за кого ова е прва титула на Вимблдон.

Не изгледаше дека ќе гледаме ваква битка откако Ѓоковиќ доминантно го започна мечот и поведе со 5:0 во гемови кога Алкараз го освои првиот гем, Ѓоковиќ го следниот го заврши со убедливи 6:1. Но, се по тој сет беше неизвесна и тешка битка на двајца големи мајстори.

Ако првиот сет траеше само 35 минути, во вториот Ѓоковиќ и Алкараз играа еден час и 26 минути. Алкараз го освои сетот во тај-брејк и така ја прекина долгата низа на Ѓоковиќ во освоени тај-брејкови српскиот тенисер на големите турнири.

Во вториот сет Ѓоковиќ влезе во една криза, па Алкараз возврати со 6:1 Но мора да се истакне дека тука видовме гем кој траеше цели 26 минути, а го доби Алкараз за водство од 4:1. Во овој сет Ѓоковиќ имаше и замерки кон судијата поради краткото време за сервис поради што на двапати беше опоменат.

Како и што навикнавме многу пати во минатото, Ѓоковиќ сепак се врати и не дозволи Алкараз да доминира во продолжение од мечот. Потребни му беа 56 минути за изедначување на 2:2 во четвртиот гем со 6:3.

Повторно гледавме и моменти во кои Ѓоковиќ влегуваше во конфликт со лондонската публика, а денес во еден момент им одговори со испраќање бакнежи.

A break sealed with a kiss ?#Wimbledon pic.twitter.com/pGkUE7IOKQ

— Wimbledon (@Wimbledon) July 16, 2023

Одлучувачкиот петти сет започна со по еден освоен гем на свој сервис и на двајцата, иако Ѓоковиќ имаше одлична можност да направи брејк и да поведе со 2:0, но не ја искористи приликата. Тоа што не му успеа на Ѓоковиќ, му успеа на Алкараз веќе во следниот гем кога го одзема сервисот на Новак и поведе со 2:1. Поенот со кој го освои овој гем Алкараз беше еден од најубавите во мечот.

This winner from Carlos Alcaraz in ‘that’ rally against Novak Djokovic in the fifth set!#Wimbledon pic.twitter.com/0aF5KcCUb0

— Chris Hammer (@ChrisHammer180) July 16, 2023

Тој момент се покажа и како одлучувачки, Ѓоковиќ не успеа да режира уште едно големо враќање, Алкараз го задржа својот сервис и ја освои својата прва титула на Вимблдон и вкупно втора на грен-слем турнирите. Ѓоковиќ остана на своите 24 со кои секако е рекордер пред Рафаел Надал (22) и Роџер Федерер (20).

За Ѓоковиќ ова беше втор пораз во едно финале на Вимблдон и прв по цели 10 години.