Хајди Клум (50) и нејзината ќерка Лени (19) се појавија на новата реклама на брендот за долна облека „Интимисими“, а манекенката ги сподели фотографиите на својот инстаграм профил. Тие се фотографирани за божиќна кампања, облечени во секси долна облека. На фотографиите германскиот супермодел и нејзината ќерка држат подароци додека се насмевнуваат на камерата.

Слично како и нивните претходни заеднички кампањи, објавата од мајката и ќерката наиде на различни реакции од обожавателите. Додека некои беа пресреќни што повторно ги видоа заедно, еден корисник објави дека е „малку морничаво“ Лени да позира во долна облека покрај нејзината мајка.

Сепак, Лени еднаш изјави за „Пејџ сикс“ (Page Six) дека не ѝ пречи реакцијата на нејзините минати кампањи за долна облека со нејзината мајка.

„Генерално, сум среќна со кампањата и имав неверојатен ден со мајка ми. Мислам дека фотографиите испаднаа одлично и многу се забавувавме. Ако не ги гледам коментарите, не морам да обраќам внимание на тоа, па едноставно не знам што има таму“, додаде таа.