Најџа Хјустон е американски скејтбордер кој освои бронзен медал на Олимписките игри во Париз. Тој вчера на својот Инстаграм профил покажа како изгледа неговиот медал само неколку дена откако го доби. Тој нагласи дека не е квалитетен и дека изгледа старо.

„Медалот изгледа како да бил во војна и се вратил“, напиша тој.

Пред оваа фотографија тој објави и видео во кое вели: „Овие медали се одлични само кога се сосема нови. Се препотував и го носев околу вратот, моите пријатели го носеа малку викендот и сега гледам дека квалитетот не е каков што мислите“, објасни тој и додаде: „Изгледа како износено од двете страни“. Тој им се обрати и на организаторите на Олимписките игри: „Треба малку да го подобрат квалитетот“.

„Другар, ова изгледа како да си го освоил во 1982 година“, му напишал еден следбеник, а скејтбордерот ја споделил пораката.

„Претпоставувам дека тие се наменети да се чуваат во кутија, а не да се носат наоколу“, заклучи тој.