Милионерот Џеф Безос и неговата свршеница Лорен Санчез се појавија на гала вечерата на фондацијата Керинг во рамките на модната недела во Њујорк. На хуманитарната аукција, која ја водеа актерката Салма Хајек и нејзиниот сопруг Франсоа-Анри Пино, се појавија многу познати лица, а Санчез привлече внимание со нејзиниот фустан.

54-годишната Санчез го украде вниманието со долг црн фустан од тантела, а комбинацијата ја комплетираше со накит и ја врза косата во пунџа. Инаку, се работи за фустан со потпис на модната куќа „Оскар Де Ла Рента“, чија цена е 9.000 долари или околу 8.100 евра.

Да потсетиме, милијардерот и неговата свршеница се запознале во 2000 година, но врската ја започнале 19 години подоцна, а летово уживаа на Медитеранот и се забавуваа на луксузна јахта со холивудските ѕвезди.