Со доаѓање на летото и високите температури, редовно години наназад чад и неподнослив мирис се издига над старата скопска депонија Вардариште.

Депонијата која се наоѓа покрај реката Вардар, во населба Маџари е опасност за здравјето на граѓаните кои живеат во оваа скопска населба но и за здравјето на оние од другата страна на Вардар, од населбите Лисиче и Ново Лисиче.

На социјалните мрежи, се шират фотографии од вчерашниот пожар кој избувна во депонијата каде гореа гуми и ниска вегетација.

На една од фотографиите се гледа како куќите во населба Лисиче се обвиени со маглив чад, небаре е зима. Жителите се жалат дека поради миризбата се принудени да спијат со затворени прозори среде лето.

Надлежните сеуште се неми на поплаките на жителите на овој дел од градот. Иако беше ветена изградба на пречистелна станица на местото на Вардариште сепак таа сеуште не е започната со изградба, па ако не преземе нешто градот, Вардариште уште „долго“ ќе ги труе скопјани.

Пожар на Вардариште, изгорени гуми и ниска вегетација