Колку ситуацијата во Украина е драматична и катастрофална по руската инвазија која започна  на 24 февруари при што со денови на мета се станбени објекти, но и училишта, градинки и болници, спротивно на меѓународното право, беше поткрепено со две снимки од Мариупол како две трудници бегаат од тукушто гранатираното родилиште во градот. Едната од нив сама се симнува по скалите од бомбардираната болница, додека другата е ранета и на носилка ја изнесуваат од уништениот објект.

Сликите од трудниците дополнително предизвика нов бран осуда на војната на територијата на Европа, при што гинат цивили и се уништуваат цивилни објекти, а и целиот свет е под закана за нуклеарна опасност со невидени последици, додека политичкото решение на судирот не е на повидок.

Во обид да се амортизираат реакциите и осудите, брзопотезно по објавувањето на снимките од едната трудница, преку руски извори на социјалните медиуми беа објавени серија фотографии дека таа всушност била познат модел и дека снимката е лажна и таа воопшто не била бремена.

Yesterday this woman almost died because the Russians shelled a maternity hospital in Mariupol.
Today she is being bullied by the Russians on her Insta. They say these photos are "fake" because "she's a model and thus can't be pregnant".

No words.#RussianUkrainianWar pic.twitter.com/nW24fEi4kl

— кораліна вірить в зсу?️ (@ComeGentleNight) March 10, 2022

Но во петокот за споменатата Украинка Маријана, се објави веста дека е добро и дека се породила во друга болница во Мариупол. Нејзината ќерка го доби името Вероника, во чест на Ника, божицата на Победата.

Marianna from Mariupol's bombed hospital gave birth to a baby girl yesterday, her aunt told me. The baby is 3200 grams and is healthy. She was named Veronika – in honour of Nike, the goddess of victory. Victory of Ukraine.

Photos by Evgeniy Maloletka pic.twitter.com/oreJVHC91w

— Olga Tokariuk (@olgatokariuk) March 11, 2022

За другата трудница која ја изнесоа на носика од уништената болница стигна веста дека починала заедно со своето бебе.

A pregnant woman pictured being evacuated from a bombed maternity hospital in #Mariupol has died along with her unborn child.#StopRussianAggression#CloseUAskyNOW pic.twitter.com/hIM8ZizilC

— MFA of Ukraine ?? (@MFA_Ukraine) March 14, 2022

Оваа трудница не е именувана воопшто иако фотографијата од нејзиното спасување од болницата го обиколи светот. Според она што е објавено на социјалните медиуми, лекарите се обидувале да го спасат нејзиното бебе изведувајќи царски рез, но тоа не покажувало знаци на живот, по што и таа починала, без волја да се бори за живот по загубата на бебето. Лекарите речиси половина час ја реанимирале во обид да го спасат барем нејзиниот живот.

‼️One of the pregnant women injured in #Mariupol by an air strike on a maternity hospital died along with her unborn child.

Asya Dolina, a journalist for Voice of America, stated this on her social network page. pic.twitter.com/mwlR3EUMNg

— NEXTA (@nexta_tv) March 14, 2022

По смртта на оваа родилка и бебето, во болницата се појавил сопругот кој ги презел телата па останале неидентификувани жртвите на оваа трагична семејна драма во воената опсада на украинскиот град Мариупол од страна на руските сили.

Болницата во Мариупол беше гранатирана во средата под изговор дека болницата не е во фукнција и таму се кријат украински припадници на специјалниот неонацистички одред Азов, кого руската страна го обвинува за низа злосторства врз руското население во сепаратискиот регион Донбас во изминатите години поради што беше еден од клучните аргументи за руската воена интервенција во Украина, што пак беше демантирано од украинска страна.

Според украинскиот министер за здравство Виктор Љашко седум болници во Украина се уништени од почетокот на руската инвазија, додека материјална штета нанесена врз 104 здравствени установи, пренесува Укринформ.

„Окупаторите веќе уништија седум болници во Украина кои не може да се обноват. Ќе мораме да изградиме нови болници во овие градови. Уште 104 здравствени установи се оштетени, но тие сè уште можат да се санираат. Некои од нив веќе ги обновивме брзо по гранатирањето. Триесет и четири возила на брза помош беа под оган, од кои повеќето се неисправни. Шест здравствени работници загинаа од артилериски оган, 12 се тешко повредени, а некои се со полесни повреди“, рече Љашко.

И покрај разурнувањето на болниците, Украинците им влеваат доверба на своите граѓани дека уништеното ќе се обнови кога ќе завршат воените дејства, а во болниците продожува да се раѓа нов живот за кој вреди сите да се борат. Само ден по нападот на болницата во Мариупол во другата се родија 24 деца.

Despite the war and near constant enemy attacks, Mariupol continues to live. 24 babies have been born in the city since yesterday. They deserve to grow up in safety and peace.

Photo: Mariupol City Council pic.twitter.com/2gs6bmFUQb

— The New Voice of Ukraine (@NewVoiceUkraine) March 10, 2022