Музичарот Роберт Спасенцовски – Џокер, кој е сопруг на младата поп-пејачка Антониа Гиговска веќе една година ужива во улогата на татко, па за својот роденден одлучи да објави фотографија со синот Киан на која напиша „Мало тигарче за роденден“.

Роберт доби многу честитки по повод роденденот, но најважната беше онаа од Антониа. Имено, пејачката на својот инстаграм-профил сподели семејна фотографија на која синот Киан е во прегратки на родителите.

„Најсреќен роденден тата, те сакаме“ – напиша Антониа во описот на семејната фотографија.

Да потсетиме, Антониа Гиговска и Роберт Спасенцовски – Џокер минатата година стапија во граѓански брак, а по неколку месеци одлучија да направат голема свадба и да ја потврдат љубовта пред голем број гости. Тие се родители на малиот Киан, кој пред речиси три месеци наполни една година.

ФОТО | Тематска забава со диносауруси: Антониа Гиговска и Роберт Спасенцовски му го прославија роденденот на малиот Киан