Филмската режисерка Тамара Котевска е првиот автор од Македонија која е поканета на ексклузивен настан во рамките на Филмскиот фестивал во Венеција, да одржи свечен говор за филмови, кои имаат моќно социјално влијание и прават општествена промена, каде и официјално ја најави премиерата на нејзиниот нов долгометражен документарен филм „The Walk“.

Талентираната режисерка, најпозната по документарецот „Медена земја“ кој доби номинација за Оскар, токму оттаму сподели неколку фотографии.

На фотографиите можеме да ја видиме во друштво на адвокатката за човекови права Амал Клуни и нејзиниот сопруг, познатиот актер и режисер Џорџ Клуни. 

„80. Меѓународен филмски фестивал во Венеција. Чест ми е што ја запознав една од најголемите борци за човекови права – Амал Клуни“, напиша Котевска.

Инаку, Тамара за оваа пригода избрала уникатна, мошне интересна креација.

ВИДЕО | Интервју со Тамара Котевска, дел од режисерскиот тандем на „Медена земја“: Имавме напорна турнеја низ САД како некој рок бенд