Во тајните архиви на Ватикан е пронајдена книга стара 900 години, која ја предвидува годината на Судниот ден.

Според оваа книга, Судниот ден доаѓа во 2027 година.

На свети Малахија му се припишува текстот од 12 век, „Пророштвото на папите“, кој содржи серија криптични латински фрази за кои се верува дека го опишуваат секој папа, почнувајќи од Селестин II во 1143 година и завршувајќи со сегашниот поглавар на Католичката црква, папата Франциск, пишува „Дејли мејл“.

The Pope is dying. According to the “prophecy” of St Malachi (1595), it is said that he’s the last before “the dread Judge will judge his people”. pic.twitter.com/M3h3SqrvIW

— Diogène de Cynan (@jesaisrien2rien) March 3, 2025

Книгата, која содржи 112 кратки, криптични фрази, била откриена во 1595 година од Арнолд Вион, бенедиктински монах кој тврдел дека ги нашол списите на Малахија во архивите на Ватикан.

„Во последното прогонство на Светата римска црква ќе владее Петар Римјанин, кој ќе го храни своето стадо во многу неволји, по што градот со седум рида ќе биде уништен, а страшниот Судија ќе им суди на луѓето. Крајот“, се вели во последниот пасус од книгата.

Некои го толкуваат пророштвото дека предвидува дека Петар ќе ја преземе функцијата папа поради хроничното белодробно заболување на Франциск, додека други веруваат дека Малахија сугерирал дека Франциск ќе биде последниот.

Документарен филм објавен во 2024 година сугерира дека второто е точно поради пасус што му се припишува на папата Сикст V во 1585 година, кој гласи: „Оска во средината на знакот“.

Папата Сикст V го презеде кормилото 442 години по првиот водач и со текст кој сугерира дека тој е „средината на пророштвотото“, крајот на светот ќе дојде 442 години подоцна, во 2027 година.

Иако книгата е пронајдена пред повеќе од 400 години, нејзиното пророштво повторно се појавило бидејќи папата Франциск претрпел две епизоди на респираторен дистрес предизвикан од „значителна“ количина акумулирана слуз во неговите бели дробови. Тој е во болница повеќе од две недели.

Иако некои научници тврдат дека текстот е фалсификат од 16 век, Малахија наводно го напишал Пророштвото на папите во 1139 година, откако добил визија за време на посетата на Рим.

Пред да биде прогласен за светец, Свети Малахија бил ирски архиепископ познат по неговите религиозни реформи, вклучително и усогласувањето на ирската црква со римските обичаи.

Тврдењата дека некој друг ги напишал 112-те фрази за секој иден папа произлегуваат од специфичниот и многу точен начин на кој секој од папите бил опишан до 1590 година.

После тој момент, фразите и описите стануваат многу понејасни и оставаат многу простор за толкување.

Сепак, сè уште има некои шокантно точни фрази кои можат да се најдат во модерното време.

Според најновиот запис, „последниот папа“ ќе претседава со црквата во време на големи превирања, што кулминира со уништувањето на Рим, што имплицира дека папата Франциск ќе биде последниот папа.

Зголемените тензии меѓу САД и Кина, војната во Украина и нестабилноста на Блискиот Исток наведоа многу луѓе да веруваат дека пророштвото навистина се остварува.

Покрај тоа, сѐ повеќе и повеќе земји, наводно, започнуваат нови програми за развој на нуклеарно оружје, што дополнително ги поттикнува стравувањата од претстојниот апокалиптичен конфликт.

Оваа тема беше главен фокус на документарниот филм објавен во 2024 година, како и на неделниот поткаст, каде водителот Џош Хупер го истакна растечкиот број на луѓе кои веруваат во пророштвото на Малахија.