Страотна сообраќајка претпладнево околу 10.30 часот се случи на булеварот „Партизански одреди“ на раскрсницата кај Скопје Сити Мол.

Се работи за судар на патничко моторно возило со возило на брзата помош по што тоа удрило во семафорот на раскрсницата во правец кон Центар. Нема повредени во оваа сообраќајка.

Сообраќајка кај Сити мол/Фото: Слободен печат

Возилото на итната помош учествувало во сообраќајката и најверојатно се судрило со патничкото возило.

На Партизанска останаа расфрлани делови од патничкото возило по ударот во семафорот.

На местото на несреќата пристигна и полиција и екипа на МВР ќе ги утврдува причините на несреќата.

Оваа сообраќајка се случи на местото каде смртно настрада како пешак 24-годишната Викторија Николова во јануари минатата година.

Токму на пешачкиот кај Сити Мол тогаш стои спомен плоча за загинатата девојка поставена од нејзиното семејство како предупредување за последиците од брзото возење на оваа раскрсница и непочитување на сообраќајните прописи и прилагодувањето на брзина.