ФОТО | Со широка насмевка на лицето: Поранешната девојка на Диди, која со години ја малтретираше, снимена на улиците во Њујорк
Американската пејачка Касандра Вентура, позната како Каси, била забележана на улиците на Њујорк, со широка насмевка на лицето.
Препорачано
Инаку, Каси е поранешна партнерка на Шон Комбс, познат како Диди, и една од многуте жртви кои го обвинија раперот за физичко и сексуално малтретирање. Ова е нејзино прво појавување во јавноста откако Диди беше уапсен во понеделникот за трговија со луѓе, со цел сексуална експлоатација, рекетирање и кривични дела поврзани со проституција.
Пејачката била во едноставно издание – црни фармерки, маица и капа, и одела на вечера со пријателите.
Да потсетиме, Каси и Диди беа во 11-годишна љубовна врска, а раскинаа во 2018 година. Тие се запознаа во 2005 година, кога таа потпиша договор со неговата издавачка куќа „Бед бој рекордс“. Гласините дека се заедно се појавија во 2007 година, но тие ја потврдија врската дури пет години подоцна.
Во мај годинава, американските медиуми објавија видео од надзорни камери на кои се гледа како Диди брутално ја тепа Каси во хотелот Интерконтинентал во Лос Анџелес во 2016 година.
Раперот подоцна призна дека ја претепал својата поранешна девојка, но дека не може да заврши на суд поради застареноста на случајот. Тогаш се огласи и самата Каси, која им се заблагодари на сите со емотивна објава на социјалните мрежи.
„Сега се чувствувам безбедно, но ова е само почеток“, напиша таа.
Диди беше уапсен од федералните агенти во Њујорк и обвинет во трикратно кривично обвинение, во кое се наведува дека сексуално напаѓал жени и ги принудувал да учествуваат во секс-забави, користејќи закани и насилство.
Раперот се изјасни за невин, но му беше одбиена кауција од 50 милиони долари и мора да остане во притвор.
Во обвинението се наведува дека Диди користел „одредени вработени“ за да го продолжи и прикрие своето насилство и трговија со луѓе. Но, тие вработени не се именувани во документите. Тие му овозможувале сексуални дејства на раперот, кои во документот се наречени „Freak Offs“, а вклучувале сексуални работнички и „снабдување на хотелските соби со разни материјали, вклучувајќи контролирани супстанции, бебешко масло, лубриканти, дополнителна постелнина и осветлување“. Истите залихи, поточно разни наркотици и повеќе од 1.000 шишиња бебешко масло и лубриканти, полицијата ги заплени во неговите вили на почетокот на годинава.
Бившата го обвини Диди за силување: Ја дрогирал и ја терал на секс со машки проститутки
