Македонската водителка Снеже Велков со години е посветена на здравиот начин на живот и тоа честопати го покажува на социјалните мрежи. Таа е една од нашите познати личности која не ги крие годините како што обично прават познатите ѕвезди.

Снеже е горда на своите години, а доказ за тоа е нејзината последна објава.

Имено, водителката го слави својот 43. роденден, а на социјалните мрежи сподели фотографии со торта и свеќички со бројот 43. Покрај фоторагфиите таа објави и хумористична порака дека сепак годините се бројат.

„Не се броеле годините?
Море се бројат, море се зборат море се слават и ДА, се важат.
И од напред и од позади.
Се важат бе и од левиот и десниот профил
Се важат бе и со вишок и со мањак килограм.
Се бројат и со и без бели влакна.
Се рачунаат и со новата и со старата лична карта.
Се рачунаат дечки и по зимско и по летно сметање на времето.
Се важат дечки и со свиснати гради и тазе белени заби.
Се рачунаат и ако полудиш и ако останеш нормален.
И ако станеш попаметен и ако отупавиш
И ако се разубавиш И ако тро огрдиш
Се бројат море и се слават!
Оти се додека се бројат значи жива си.
43 се овие моите и со римски XLIII.
И од денес ставаме запирка за да броиме пак.
43,
Да ми врти бројчаникот уште долго!
Да ми живеат бројачите на годините“, напиша Снеже.