ФОТО | Скршена од болка: Ужалената Шерил пристигна на погребот на Лијам Пејн, пејачката му беше најголема љубов
Британската пејачка Шерил (41) присуствуваше на погребот на нејзиниот поранешен партнер, пејачот Лијам Пејн. Според фотографиите, ужалената музичка ѕвезда била „скршена од болка“.
Препорачано
Инаку, Лијам Пејн и десет години постарата пејачка Шерил се запознаа во 2008 година, кога 14-годишниот Пејн за првпат се пријави на музичкото натпреварување „Икс фактор“. Двојката ја започна љубовната врска речиси десет години подоцна, во 2016 година, а се разделија во 2018 година. Тие го добија синот Беар во март 2017 година и сега момчето има седум години.
Пејн почина на 16 октомври годинава, по пад од третиот кат на хотелот „КасаСур“ во Буенос Аирес, Аргентина. Тој имаше само 31 година.
Шерил пристигна на погребот со нејзините колешки од групата „Грлс алауд“, кои беа покрај неа за да ѝ дадат поддршка. На кочијата, со кој бил пренесен ковчегот на пејачот до црквата, била испишана посвета од нивниот син Беар.
Да потсетиме, Шерил објави срцепарателна порака по трагичната смрт на Пејн.
„Додека се обидувам да најдам начин како да се сносам со оваа ситуација, која го погоди целиот свет, и додека сум во жалост во ова неверојатно тешко време, би сакала љубезно да ги потсетам сите дека изгубивме човечко суштество.
Лијам не само што беше поп ѕвезда и позната личност, туку беше и син, брат, вујко, драг пријател и татко на нашиот седумгодишен син, кој сега треба да се соочи со реалноста дека никогаш повеќе нема да го види својот татко.
Она што најмногу ме погодува е тоа што еден ден Бир ќе има пристап до сите гнасни медиумски известувања што се случија во последните два дена. Ми се крши срцето што не можам да го заштитам од тоа во иднина.
Ве молам да размислите за што служат овие извештаи – ништо друго освен да им наштетат на оние кои се соочуваат со болката. Пред да напишете некаков коментар или да направите некакво видео, размислете дали сакате еден ден вашето дете да чита нешто такво.
Дајте му го она малку достоинство што му остана на Лијам по смртта – да почива во мир“, напиша Шерил на Инстаграм.
Скршената Шерил по смртта на Лијам Пејн: „Нашиот син веќе никогаш нема да го види својот татко“
