Фронтменот на македонската музичка група „Нокаут“, Никола Перевски – Пере, реши да избега од градската магла и да ужива во чистиот воздух и сончевите зраци на Водно.

Во придружба на својата сопруга Јована и двете ќерки Софиа и Ирис, музичарот го искористи времето за релаксација и дружење во природа.

На социјалните мрежи, Пере сподели фотографии од семејниот излет, каде што зад нив се гледа познатата скопска магла, додека тие уживаат во сончевиот ден над градот.

„Скопје, мое Скопје“, напиша Пере во описот.

Како потсетување, Пере има две ќерки од првиот брак со новинарката Александра Спировска – Михаела и Каја. Михаела, која повеќето ја знаат како Миа, тргна по стапките на својот татко и се занимава со музика.

Пере и неговата сегашна сопруга Јована се заедно од 2011 година, а во 2020 година ја добија првата заедничка ќерка Софиа. Минатата година станаа родители на уште едно девојче, ќерката Ирис.