Скарлет Јохансон пристигна на 78-от Кански филмски фестивал и веднаш привлече внимание. Таа буквално блескаше на црвениот тепих, благодарение на луксузните дијаманти што ги носеше, но и на светло синиот вечерен фустан, една од најпосакуваните бои на сезоната според бројни ѕвезди.

За премиерата на филмот „Vie Privée“, актерката носеше бледо син фустан од модната куќа „Прада“ кој елегантно се спушташе по нејзината фигура. Но, вистинската ѕвезда на изданието, или поточно, самата комбинација, беше дијамантскиот накит.

Со блескавиот фустан, Скарлет носеше повеќе од 62 карати дијаманти од De Beers, вклучувајќи обетки во облик на капки, прстен и три нараквици. Посебно се истакна прстенот со редок дијамант од 2,15 карати.

На црвениот тепих ѝ се придружи нејзиниот сопруг, сценарист и комичар Колин Џост. Двојката позираше за фотографите и изгледаа прилично опуштени и среќни.

„Скарлет изгледа неверојатно“, „Најубавата жена на светот“, „Дали само јас мислам така или таа изгледа како Пепелашка со таа фризура и фустан?“, „Фустанот ѝ стои совршено – стилистот што ја облекол заслужува покачување на платата“, „Дали има копија од овој фустан? Прекрасен е“, „Станува сè поубава“, „Изгледа премногу добро“, коментираат луѓето за нејзиниот изглед на социјалните мрежи.