Германскиот возач Мик Шумахер, син на легендарниот Михаел Шумахер, јавно се пофали со фотографија со новата девојка, пишува „Дневник.ба“.

Имено, младиот Мик е во врска со манекенката Лаила Хасановиќ, која по потекло е од Сребреница.

Двајцата заминаа на заеднички одмор, а тој на социјалните мрежи сподели заедничка фотографија од нив. Во описот на фотографијата имаше ставено емотикон во форма на срце.

Романтичната фотографија од заљубениот пар предизвика позитивни реакции кај неговите следбеници.

„Ви посакувам сè најдобро. Прекрасен пар сте“, „Конечно објавивте дека сте заедно“, „Честитки иако сум љубоморна“, се некои од коментарите.

Мик и претходно објави фотографија, на која се држат за раце и носат исти алки. Инаку, двајцата се сретнале на „Гран при“ во Белгија.

Според босанските медиуми, родителите на Лаила ја напуштиле Сребреница за време на војната и заминале во Данска. Таа е родена во Данска, каде ја започнала својата кариера како модел и често ја посетува Сребреница.

Пред четири години Лаила беше во финалето на изборот за Мис Универзум. Таа често на социјалните медиуми објавува детали од снимање на модни кампањи, патувања, а во моментов има речиси 180 илјади следбеници на Инстаграм.