Актерот и поранешен гувернер на Калифорнија Арнолд Шварценегер му го честиташе роденденот на својот пријател и колега Силвестер Сталоне.

Шварценегер објави неколку заеднички фотографии направени во текот на нивните долги кариери.

„Среќен роденден пријателе. Ти си шампион и легенда. Ме инспирираш мене и милијарди луѓе низ светот“, напиша Шварценегер.

Ѕвездата на „Терминатор“, исто така, објави и фотографии од него и Сталоне како резбаат тикви заедно, се смешкаат на настанот на „Планет Холивуд“ и позираат во облека од 80-тите години.

Сталоне и Шварценегер во април зборуваа за нивното ривалство во минатото. Шварценегер призна дека Сталоне му бил од голема помош во кариерата, бидејќи тие секогаш се натпреварувале. Сталоне, пак, изјави дека конечно имало што да го мотивира кога се појавил Шварценегер.