Светските медиуми пишуваат дека пејачката и актерка Селена Гомез заедно со група блиски пријателки заминала во Кабо Сан Лукас, Мексико, каде што за викендот прославила наводна моминска забава пред својата свадба со музичкиот продуцент Бени Бланко, пишува „Пипл“.

На фотографиите што ги објавија папараците, 33-годишната ѕвезда на серијата „Само убиства во зградата“ (Only Murders in the Building) може да се види во црн едноделен костим за капење и очила за сонце, како ужива на луксузна јахта, танцува и позира за фотографија со пријателките. Подоцна, таа облекла и бели летни панталони за прошетка низ градот.

Selena Gomez and friends in Cabo San Lucas, Mexico. pic.twitter.com/GGEsVWdE1L

— Selena Gomez F.A.N. News (@Daily_Sel_Gomez) August 25, 2025

Додека Гомез се забавуваше во Мексико, нејзиниот свршеник, 37-годишниот Бени Бланко, го помина викендот во Лас Вегас. На социјалните мрежи објави моменти од патувањето: фотографии од спа-центар, вечери со кавијар и богата трпеза, како и посета на ноќниот клуб во еден од најпознатите хотели во градот, каде што настапуваше диџејот Маршмело. Во неговото друштво бил и блискиот пријател, раперот Лил Дики.

Парот ја објави својата веридба во декември минатата година, по повеќе од една година врска. Гомез тогаш напиша на социјалните мрежи „Засекогаш започнува сега“, покажувајќи го прстенот, а нејзината најдобра пријателка Тејлор Свифт веднаш коментираше: „Да, јас ќе бидам девојчето што фрла цвеќе“.

Откако на почетокот на 2024 година официјално ја потврдија својата врска, извори блиски до пејачката тврдат дека таа е „поприсутна и посреќна од кога било“.

„Бени ѝ прави да се чувствува посебно. Таа навистина верува дека никогаш не била толку добро третирана во врска“, открија пријатели за магазинот „Пипл“.

Иако подготовките за свадбата сè уште не се завршени, Гомез неодамна изјави дека е пресреќна што ќе се мажи за Бланко: „Никогаш не сум била толку сигурна за нешто во животот“.

Почнаа подготовките: Откриени детали за долгоочекуваната свадба на Селена Гомез и Бени Бланко